د افغان تور امارتي شرکت د ۵۰ تنو ډرایورانو د استخدام اعلان کوي.
د افغان تور امارتي شرکت د کاري چارو د اسانتیا او چټکتیا په موخه، د ازموينې له اخيستلو وروسته ۵۰ تنه وړ او شرايط پوره کوونکي موټرچلوونکي (ډرایوران) استخداموي. د ازموينې د ګډون شرايط په لاندې ډول دي:
د افغانستان تابعيت تذکره ولري؛
قانوني او شرعي اهليت ولري؛
لږ تر لږه ۵ کاله اړونده کاري تجربه ولري؛
عمر يې له ۱۸ تر ۴۵ کلونو پوره وي؛
د موټر چلولو قانوني جواز (لایسنس) ولري؛
له هر ډول جنايي مسؤليت څخه پاک وي.
په شرايطو برابر کسان کولای شي د ۱۴۰۴ لمريز کال د حوت له ۲مې تر ۸مې نېټې پورې د پېژندنې اسنادو او نورو اړوندو اسنادو سره يوځای، د افغانتور امارتي شرکت د مالي او اداري رياست د کارکوونکو عمومي مديريت ته، چې د ازادۍ مطبعی ودانۍ، درېيم پوړ، د مکرويانو څلور لارې کابل کې موقعيت لري، مراجعه وکړي.
